ബോംബെ നഗരം. ഏതൊരു സാധാരണ മലയാളിയെയും പോലെ അറബി നാട്ടില് പോകുക എന്ന ലക്ഷ്യവുമായി ഞാനും അവിടെ ചെന്നടിഞ്ഞു . പ്രതീക്ഷകള് മനസ്സില് ഞാന് പോലും അറിയാതെ നാമ്പ് എടുത്തു പടര്ന്നു പന്തലിച്ച കാലം . നാടിലെ സ്ഥലം വിറ്റു കിട്ടിയ വകയില് കുറച്ചു കാശ് ബാങ്കില് സൂക്ഷിചിടുണ്ട്. പിന്നെ അത് വരെ പിടിച്ചു നില്കാന് തരക്കേടില്ലാത്ത ഒരു ജോലിയും. ഒറ്റയാന് ആയ ജീവിതം ആയതിനാല് വേറെ ചിലവുകള് ഒന്നും ഉണ്ടായിരുന്നില്ല. ട്രാവല് ഏജന്സി കല് തോറും കയറി ഇറങ്ങി നടന്നു എങ്കിലും വിശ്വാസയോഗ്യമായ ഒന്നും തന്നെ കണ്ടില്ല . ജോലിയും ശമ്പളവും കൃത്യമായി കിട്ടിയത് കൊണ്ട് ഗള്ഫിലേക്ക് പോകാന് അത്ര അത്യാവശ്യം തോന്നിയതുമില്ല . ബോംബെ യിലേക്ക് കള്ളവണ്ടി കയറി വരാത്തത് കൊണ്ടാകും മലയാള സിനിമ നായകന്മാരെ പോലെ എനിക്ക് ഒരു അധോലോക നായകന് ആകാന് കഴിയാതെ പോയത്. അവിടത്തെ തെരുവുകളില് കൂടെ ഉള്ള അലച്ചില് എന്നെ ഒരു ബോംബെ വാല ആക്കി മാറ്റുക ആയിരുന്നു. ജൂഹു വിലെ സായാഹ്നത്തില് ദുര്മേദസ്സ് കുറയ്ക്കാന് നടക്കാന് ഇറങ്ങുന്ന സമ്പന്ന വര്ഗ്ഗത്തിന്റെ പെടിഗ്രി ഉള്ള പട്ടികളെയും കുപ്പ കൂനയുടെ അരികില് മിച്ചം വരുന്ന ഭക്ഷണത്തിന് മേല് കടിപിടി കൂടുന്ന ചാവാലി പട്ടികളെയും ഞാന് കണ്ടു. തിരക്ക് പിടിച്ച ബോംബെ. മെട്രോ ട്രെയിനുകളിലും തിങ്ങി നിറഞ്ഞ ചേരികളിലും ജീവിതം സ്വരുകൂട്ടാന് പെടാപ്പാടു പെടുന്ന മനുഷ്യര്. ബോംബെ ജീവിതം മെല്ലെ മെല്ലെ എന്റെ ഗള്ഫ് പ്രതീക്ഷകള്ക് കടിഞ്ഞാന് വീഴ്ത്താനും തുടങ്ങി .ഞാന് താമസിക്കുന്ന ആ പഴയ കെട്ടിടത്തിന്റെ പുതിയതായി വന്ന കാവല്കാരന് ആയിട്ടാണ് ഞാന് അവനെ പരിചയപ്പെടുന്നത്. സലിം എന്ന ഒരു ചെറുപ്പക്കാരന് ആയ മലയാളി . "മദ്രാസി" യും കൂടാതെ സമപ്രായക്കാരും ആയതു കൊണ്ട് നമ്മള് പെട്ടെന്ന് അടുക്കുകയും ചെയ്തു. പിന്നീട് വൈകുന്നേരങ്ങളില് മദ്യത്തിനു ഒരു കുറവും ഉണ്ടായിരുന്നില്ല. credit facility അവനു ഉണ്ടായിരുന്നത് കൊണ്ട് എപ്പോള് വേണമെങ്കിലും "സാധനം" കിട്ടുമായിരുന്നു. വിഷമങ്ങള് മറക്കാന് എന്ന വ്യാജേന മദ്യപിക്കുമ്പോഴും ഒരു നേരത്തെ ആഹാരത്തിന് വേണ്ടി ശരീരം വില്കുന്ന ഗതികെട്ട പെണ്കുട്ടികളും കാമ വെറിയുടെ ദൃശ്യങ്ങള് അഭിമാനപൂര്വം youtube ഇല് അപ്ലോഡ് ചെയ്യുന്ന upper class ലെ കൊഴുത്ത ശരീരങ്ങളും നമ്മുടെ വര്ത്തമാനത്തില് വന്നിരുന്നു. അതിനിടയില് എപ്പോഴോ ആണ് അവന് പ്രിയയുടെ കാര്യം എന്നോട് പറഞ്ഞത്. പ്രിയ... ആര്കും പ്രിയപെട്ടവള്... പക്ഷെ കാശ് നു വേണ്ടി അവളെ കബളിപ്പിച്ചു ബോംബെയില് കൊണ്ട് വന്നു മാര്വാഡിക്ക് വിറ്റ അമ്മാവന് അവള് പ്രിയപെട്ടവള് ആയിരുന്നില്ല. എങ്കിലും BCom പാസ്സായി ഒരു supermarket ഇല് ജോലി സ്വപ്നം കണ്ടു അമ്മാവനോടൊപ്പം ബോംബെ യിലേക്ക് വണ്ടി കയറിയ ചെറിയ ചുണ്ടും വിടര്ന്ന കണ്ണുകളും ഉള്ള പ്രിയ എന്ന കൊച്ചു സുന്ദരി മാര്വാടിയുടെ customers നു പ്രിയപെട്ടവള് ആയ കഥ. അത് പറയുമ്പോള് അവനില് ഉണ്ടായ ഭാവ വ്യത്യാസങ്ങള് ആണോ അതോ അവളുടെ സൗന്ദര്യത്തെ കുറിച്ചുള്ള അവന്റെ വര്ണന ആണോ.... അവളെ കാണാന് ഞാന് തീരുമാനിച്ചു. മദ്യത്തിന്റെ ലഹരി തലയ്ക്കു പിടിച്ചതോടെ ആ തീരുമാനം അപ്പോള് തന്നെ പ്രാബല്യത്തില് വരുത്തണം എന്നുറച്ചു.
ഇത് പോലെ ഉള്ള സ്ഥലങ്ങളില് പോയി മുന് പരിചയം ഇല്ലാത്ത ഒരുവന് ആയതു കൊണ്ട് എന്റെ ആഗ്രഹം അതിന്റേതായ ഗൌരവത്തിലും തികഞ്ഞ ഉത്തരവധിത്വതോടും സലിം ഏറ്റെടുത്തു. പിച്ച വച്ചു നടക്കാന് തുടങ്ങിയപ്പോള് എന്നെ അച്ഛന് കൈ പിടിച്ച നടത്തിയിരുന്നു. അതിനു ശേഷം ഇത്ര സന്തോഷത്തോടെ എന്നെ വേറെ ആരും കൈ പിടിച്ചു നടത്തിയിട്ടുണ്ടാവില്ല. വഴിയരികില് നമ്മളെ മാടി വിളിച്ച കുപ്പി വളകള് നിറഞ്ഞ കൈകള് തട്ടി മാറ്റി നമ്മുടെ യാത്ര തുടര്ന്നു. വാ തോരാതെ അവന് എന്തൊക്കെയോ പറഞ്ഞു കൊണ്ടിരുന്നു. അതെല്ലാം അവിടെ കച്ചവടം ചെയുന്ന സാധന സമഗ്രികളെ കുറിച്ചും പിന്നെ അതിനെക്കാള് വില കുറഞ്ഞ മാംസത്തെ കുറിച്ചും ആയിരുന്നു. മെഡിക്കല് കോളേജിലെ അത്യാഹിത വിഭാഗത്തിന് മുന്നില് നിന്നതിനു ശേഷം ജീവിതം എന്ന സത്യത്തെ കുറിച്ച് ഞാന് പിന്നീട് ചിന്തിച്ചത് ആ തെരുവില് കൂടി നടക്കുമ്പോള് ആയിരുന്നു. പക്ഷെ യാധാര്ത്യത്തെ കുറിച്ച് ചിന്തിക്കാനും പരിതപിക്കാനും പ്രിയ യെ കുറിച്ചുള്ള അവന്റെ വര്ണന എന്നെ അനുവദിച്ചില്ല. ആ സ്വര്ഗത്തിലേക്ക് വീണ്ടും വലിഞ്ഞു കയറാന് ആവശ്യമുള്ള മദ്യം അവന് തന്റെ പാന്റിന്റെ പോക്കറ്റില് സൂക്ഷിച്ചിരുന്നത് ഉപകാരമായി. അത് വഴിയരികിലെ പൈപ്പില് നിന്നും വെള്ളം നിറച്ചു കുടിച്ചു തീര്ത്തു. അപ്പോഴേക്കും നമ്മള് മാര്വാടിയുടെ കെട്ടിടത്തില് എത്തി കഴിഞ്ഞിരുന്നു. അതൊരു സ്വര്ഗം തന്നെ ആയി എനിക്ക് തോന്നി. നിറയെ അപ്സരസ്സുകള്.... സോമരസം.... അവിടെ വച്ചിരുന്ന വലിയ കണ്ണാടിയില് ഞാന് കിരീട ധാരിയായ ഏതോ ദേവനെ പോലെ തോന്നിച്ചു. അധികം കാത്തു ഇരിക്കേണ്ടി വന്നില്ല. പ്രിയയുടെ മുറിയിലേക്കുള്ള വാതില് എനിക്ക് മുന്നില് തുറക്കപ്പെട്ടു.
മനുസ്മ്രിതി വായിച്ചു പരിചയം ഒന്നും ഉണ്ടായിരുന്നില്ല .പക്ഷെ പണ്ട് ആരോ അതില് ഉള്ളതായി പറഞ്ഞു കേട്ടിടുണ്ട് ശാലീന സൌന്ദര്യം എന്താണ് എന്ന്. ഞാന് അത് നേരിട്ട് കാണുക ആയിരുന്നു. അവളുടെ വിടര്ന്ന കണ്ണുകളില് അഗാധമായി കിടന്ന വിഷാദം ഞാന് തിരിച്ചറിഞ്ഞു. അവളുമായി കേളികളില് ഏര്പ്പുടന്നതിനെക്കാള് ആ രാത്രി വെളുക്കുന്നത് വരെ അവളുമായി സംസാരിക്കാനും... അവളുടെ മടിയില് കിടക്കാനും... കവിളില് തലോടാനും...പ്രണയ വിവശന് ആകാനും ഉള്ളില് നിറഞ്ഞു കിടന്നിരുന്ന മദ്യം ആവണം എന്റെ മനസ്സിനെ കച്ച കെട്ടിയത്. അവളുടെ മടിയില് കിടന്നു ഞാന് ആ കഥ കേട്ടു... ക്രൂരനായ ആ അമ്മാവനെ കണ്ടം തുണ്ടമായി വെട്ടി നുരുക്കാന് ഉള്ള പക തോന്നി എനിക്ക്. BCom കാറി ആയ അവളെ എങ്ങനെ എങ്കിലും അവിടുന്ന് രക്ഷപെടുത്താന് ആയെങ്കില്.... എനിക്ക് വല്ലാതെ വീര്പ്പുമുട്ടല് അനുഭവപ്പെട്ടു.
"എവിടെയാ ഡിഗ്രിക്ക് പഠിച്ചത് ??"
"നാട്ടില്"...
അവളുടെ കണ്ണ് നിറഞ്ഞു ഇരുന്നു...
"ഏതായിരുന്നു university ???" അത് വഴി അവളുടെ നാട് എവിടെ എന്ന് ഊഹിക്കാന് കഴിഞ്ഞാലോ എന്ന് ഓര്ത്തു ഞാന് ചോദിച്ചു.
"അത്... അത്... ഞാന് ഒരു parellel കോളേജില് ആയിരുന്നു... "
"അതിനെന്താ university ഇല്ലാതിരിക്കില്ലല്ലോ..?? അത് പോട്ടെ optional ഏതായിരുന്നു " എനിക്ക് സംശയത്തിനു ആക്കം കൂടി.....
എന്റെ മുഖത്ത് നോക്കി ജാല്യത നിറഞ്ഞ ഒരു ചിരി ആയിരുന്നു അവളുടെ മറുപടി. ജീവിതത്തിലെ സത്യത്തിന്റെ മറ്റൊരു മുഖം കൂടി ഞാന് അവിടെ കണ്ടു. പിന്നെ ഒന്നും ഓര്ത്തില്ല.. അവളുടെ ചെറിയ ചുണ്ടില് ചുംബിച്ചു കൊണ്ട് ഞാന് അവളെ കട്ടിലിലേക്ക് കിടത്തി ആ മാറിലേക്ക് വീണു. കണ്ണില് നിറഞ്ഞ കള്ളത്തരം എന്നില് നിന്നും ഒളിപ്പിക്കാന് ആയിരുന്നോ അവള് രണ്ടു കണ്ണുകളും ഇറുകെ അടച്ചു കളഞ്ഞത്... അതോ...??????
No comments:
Post a Comment